سیف علی خان کی بیٹی سارہ علی خان کا کریئر شروع ہونے سے پہلے ہی ہچکولے کھانے لگا ، والدہ امریتا سنگھ پریشان

بالی ووڈ ادا کار سیف علی خان اور ان کی سابق بیگم امریتا سنگھ کی بیٹی سارہ علی خان کا کریئر شروع ہونے سے پہلے ہی ہچکولے کھانے لگا ۔ رپورٹ کے مطابق سارہ اداکار سشانت سنگھ راجپوت کے ساتھ فلم ’کیدار ناتھ‘ میں مرکزی کردار ادا کر رہی ہیں ۔ فلم کی شوٹنگ ابھی چل رہی تھی کہ اچانک گاڑی پٹری سے اتر گئی ۔ اس کی وجہ فلم کے پروڈیوسر اور ہدایت کار ابھیشیک کپور کے درمیان جھگڑا ہے ۔ فلم کی شوٹنگ اکتوبر 2017 میں ختم ہونا تھی تاہم اب پروڈکشن کمپنی نے ابھیشیک کپور پر بد تمیزی اور کام میں تاخیر کرنے پر مقدمہ دائر کر دیا ہے ۔ اپنی بیٹی کی پہلی فلم کا یہ حال دیکھ کر امریتا سنگھ پریشان ہو گئیں اور انہوں نے بھی ابھیشیک کپور کو آڑے ہاتھوں لیا۔