ڈی جی آئی ایس پی آر کی تبدیلی کی اطلاعات

اسلام آباد (اردو نیوز) سینئیر صحافی روف کلاسرا نے دعویٰ کیا ہے کہ نئے ڈی جی آئی ایس پی آر میجر جنرل بابر افتخار ہوں گے۔تفصیلات کے مطابق میجر جنرل آصف غفور کو 2016ء میں پاک فوج کا ترجمان مقرر کیا گیا تھا۔اس سے قبل لیفٹیننٹ جنرل (ر) عاصم باجوہ یہ فرائض سرانجام دے رہے تھے۔میجر جنرل آصف غفور 2016ء سے پاک فوج کی ترجمانی کے فرائض سرانجام دے رہے ہیں۔

اس دوران انہوں نے بے تحاشا مقبولیت بھی سمیٹی۔میجر جنرل آصف غفور پاکستان کے ساتھ ساتھ بھارت میں بھی خبروں کی زینت بنے رہے ہیں۔ذرائع کے مطابق میجر جنرل آصف غفور کے بعد نئے ڈی جی آئی ایس پی پر آر میجر جنرل بابر افتخار ہوں گے۔اس حوالے سے سینئیر صحافی رؤف کلاسرا نے سماجی رابطے کی ویب سائٹ ٹویٹر پر ٹویٹ کرتے ہوئے کہا ہے کہ جب کہ سینئیر صحافی اعزاز سید نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ ایک طاقتور سرکاری ترجمان تبدیل کردیا گیا ، شام تک تبدیلی کی خبر آجائے گی۔ اعزاز سید نے اپنے ٹویٹ میں یہ واضح نہیں کیا کہ کس ترجمان کو تبدیل کیا جائے گا۔

اسی طرح سینئر صحافی ارشد وحید چوہدری نے ٹویٹ کیا کہ ڈی جی آئی ایس پی آر میجر جنرل آصف غفور کو تبدیل کیا جا رہا ہے، اطلاعات کے مطابق ان کی جگہ جنرل عنایت یا جنرل افتخار کو نیا ڈی جی تعینات کیا جائے گا ۔ لیفٹیننٹ جنرل کے عہدے پہ ترقی کے لئے کسی ڈویژن کی کمان کرنا ضروری ہوتا ہے اس لیے میجر جنرل آصف غفور کو پہلے جی او سی لگایا جائے گا۔تاہم فی الحال ان خبروں کی تصدیق نہیں کی گئی لیکن سینئیر صحافیوں کی جانب سے دعویٰ کیا جا رہا ہے۔